20 нче май көнне Казан шәһәренең В.

20 нче май көнне Казан шәһәренең В.И.Ленин исемендәге мәдәни-ял итү комплексында «Сәйяр» Республика балалар һәм яшүсмерләр театрлары фестивале җиңүчеләрен һәм призерларын бүләкләү тантанасы узды. Азнакай шәһәре 7 нче мәктәбенең «Мизгел» театр коллективы әлеге мәртәбәле бәйгедә 3 урынга лаек булды. Яшь артистларны һәм аларның җитәкчеләре Хәмидуллина Сөмбел Нәфис кызын зур җиңүләре белән чын күңелдән тәбрик итәбез! Киләсе елларга да иҗади уңышлар телибез!